ARRIBA O TELÓN! O REINO DAS CORES

Érase unha vez, hai moitos anos, no Reino das Cores, vivían uns heroes, todos valientes e osados,e moi orgullosos da súa cor.

SOMOS OS SUPER HEROES!

O heroe vermello decía , moi satisfeito, que a súa cor era a máis bonita, xa que as mazás e os amorodos amosaban esta cor.

O heroe verde non estaba de acordo, porque as verduras e os campos eran verdes.

O heroe azul replicou, xa que non había nada máis fermoso que o mar e o ceo, que por suposto, eran azuis.

O heroe amarelo botou a rir, dicindo que todo que escoitaba eran tonterías,pois  non había nada máis importante que o Sol para a nosa vida e este era de cor amarelo.

E así pasaban os días, discutindo e pelexando porque todos se creían o mellor e só veían defectos nos demáis.

Pero un día, a Raíña Branca chamounos e díxolles:
Xa empezo a estar moi farta das vosas discusións!
Eu, como a vosa Raíña, vos ordeno que en adiante,vaiades sempre xuntos e non pelexedes polas vosas diferenzas.
Todos somos diferentes, pero...
qué aburrido se todo fora igual!
Mirade.: a miña filla pronto vai casar e quero decorar a porta do meu pazo co adorno máis bonito que ninguén vira xamás.
Déixoo nas vosas mans, super heroes!

Os heroes, moi arrepentidos,reuníronse para deseñar un plan e conseguir que a súa Raíña estivese orgullosa deles. E pensaron que non habería adorno mellor que a unión de todas as súas cores.

E así foi:  cores diferentes e fermosos todos xuntos: 
un raio de sol,unha chama de lume, un anaco de ceo e un retazo de bosque

A Raíña acompañou a súa filla, a Princesa de Cores e quedaron totalmente abraiadas ante aquel bonito espectáculo.

Por fin, aqueles heroes comprenderan que todos eran importantes, pero que unidos,  aínda o eran máis.

 

COLORÍN, COLORETE, POLA CHEMINEA ESCAPOU UN FOGUETE!