XOGOS COOPERATIVOS

 Se buscamos divertirnos de verdade, nada mellor que un xogo cooperativo,onde prima a diversión sobre a competición.

Estes xogos fomentan a axuda,a empatía, a organización,a toma de decisións e evitan as frustracións da derrota.

Tomando como base a palabra PREHISTORIA,tema do noso proxecto,comezamos  a xogar.

Convertidos en clans de trogloditas,a nosa misión era formar a palabra PREHISTORIA coas letras de madeira,nun tempo determinado.

AXIÑA, QUE O TEMPO ACABA!

Unha vez superada,hai que vestir correctamente aos bebés na cova,antes de que se esgote o tempo.

                                                  

CASE O TEMOS!

Non podemos esquecer a pintura rupestre; eu pinto a túa man e ti pintas a miña...

Importante: só había que pintar a man, non o pelo,nin a orella,nin o nariz!

Unha vez pintada, plasmamos no papel continuo,lavamos as mans e limpamos as mesas,todo isto, coma sempre,nun tempo determinado.

ESTIRA BEN OS DEDOS!

AI,QUE CÓXEGAS!

QUIETO,ROI,QUE NON CHEGAMOS!

XA CASE ESTÁ!

PROBA SUPERADA!